Poeta andaluziarraren obretan oinarritutako film emanaldi bat eta antzerki saioa egingo dute aste honetan Kabigorrin.
Garcia Lorca gogorarazi dute bere poemak hiriko hainbat txokotan jarrita.
1936ko abuztuaren 19an fusilatu zuten, Granadan (Andaluzia), Federico Garcia Lorca poeta. Bere hilketaren 80. urteurrenaren harira, Irungo Nicolas Gerendiain elkarte errepublikazaleko kideak poeta andaluziarra omentzeko ekitaldietan buru belarri sartuta daude.
Pasa den astean Garcia Lorcaren hamarnaka poema ikusteko aukera izan zen Luis Mariano eta San Juan Arria plazetan. Ez dira horretara mugatuko: etzidamu, ostegunean, Juan Antonio Bardemen Lorca, muerte de un poeta filma eskainiko dute Kabigorri Ateneoan, 19:00etatik aurrera.
Larunbatean, berriz, toki berean, Mariana Pineda antzezlana jokatuko du Irungo interpretazio eskoletako aktore talde batek, Ana Perez eta Maria Jose Gonzalezen zuzendaritzapean. Antzeztutako errezitaldia 19:30ean hasiko da.