Txingudi Korrikan parte hartzea oso maila handikoa izan da: emakumeen eta gizonen kategorietako markak hautsi egin dira.
Emakume eta gizon onenak, podiumean.
Gipuzkoan egiten den kalitate handienetakoa duen lasterketa da Txingudi Korrika. Horren erakusle larunbatean gertatu zena: Elena Silvestrek eta Xabier Martinezek bai emakumeetan zein gizonetan aurretik ezarritako marka onenak hobetu zituzten. Ez hori bakarrik: kontuan hartuz, adibidez, gizonen zein emakumeen mailetan lehen hamarren denborak, aurreko urteetakoak baino hobeak izan ziren.
Parte hartzea ez zen aurreko urteetakoa izan. Horren arrazoia da eguraldi txarragatik roller gutxiago irten zirela, eta aldi berean, atzo (igandea) Donostian antzeko proba bat zegoela. Dena dela, 633 korrikalari iritsi ziren helmugara, gehienak hondarribiarrak eta irundarrak.
Santiagotarrak omentzeko baliatu zuen Bidasoa Atletiko Taldeak (BAT), probaren antolatzaileak, aurtengo hamar kilometroko lasterketa. Ederra keinua. Bestalde, nabarmentzekoa proban zehar 150 boluntario egon zirela lanean.
Honakoak proban lehenak izan zirenak. Sailkapen osoa ere kontsulta daiteke
esteka honetan.
Emakumeak:
- Elena Silvestre (Errenteria-Orereta) 37:27
- Claudia Behobide (Hondarribia) 39:07
- Irene Sanzberro (Irun) 39:15
- Ane Zabala (Irun) 39:50
- Olatz Zabala (Irun) 40:11
- Hoki Guerrero (Hernani) 40:20
- Ainhoa Lekuona (Tolosa) 41:36
- Ana Cruz (Pasaia) 42:19
- Miren Josune Bikuña (Oñati) 42:27
- Leire Heras (Hondarribia) 42:39
Gizonak
- Xabier Martinez (Ezpeleta) 32:09
- Lionel Petriacq (Baiona) 32:10
- Jose Antonio Gomez de Arriba (Irun) 32:27
- Iñaki Gerika (Usurbil) 32:36
- Iker Oliveri (Hondarribia) 32:40
- Iban Rodriguez (Gasteiz) 33:00
- Raul Gomez Margallo (Lasarte-Oria) 33:17
- Javier Perez (Irun) 33:25
- Asier Ugartetxea (Ondarroa) 33:38
- Javier Urbano (Irun) 33:53
Roller emakumeak
- Nagore Montes (Donostia) 22:05
- Karmele Arrieta (Errenteria-Orereta) 28:38
- Beatriz Bandres (Iruñea) 28:38
Roller gizonak
- Nicolas Alonso (Donostia) 20:00
- Arkaitz Arana (Bergara) 20:43
- Enrique Martinez (Donostia) 20:45
Gurpildun aulkiak
- Ion Galarraga (Bidegoian) 24:48
- Jose Antonio Iglesias (Orio) 24:55
- Aingeru Senperena (Bidegoian) 24:58
Txingudi Txikia
Haurrak, goizeko lasterketan.
Arratsaldean helduen lasterketak izan ziren, eta larunbat goizean, haurrenak. BATek esan duenez, 455 haurrek parte hartu zuten Txingudi Txikian, euriari aurre eginez, Gal estadioaren inguruan antolatutako eremuan.
Honakoak,
BATi esker, proba nagusiaren argazkiak:
Honakoak dira, BATek emandako argazkiei esker, Txingudi Txikiaren argazkiak:
