Marrazketa eta margoketa udal akademia, prest

Udal akademia horren barruko eskolak urriaren 13an hasiko dira, ekainera arte. Hainbat aukera daude.

2016/09/28

Udal akademia Anaka auzoan dago.

Irungo Udaleko Kultura Sailak antolatzen dituen marrazketa eta margoketa akademiaren barruko ikastaroetara izena emateko epea zabalik dago. Plazak bukatzeraino eman daiteke izena, eta eskolak urriaren 13an hasiko dira, eta ekainean bukatu. Helduentzako nahiz haurrentzako ikastaroak dira. Anaka auzoko Reina Fabiola kalean dago akademia hori. Izena emateko edo informazio biltzeko bide hauek erabili ditzakete irundarrek:

Hiritarren Arreta Zerbitzura (HAZ) hurbil daitezke edo 010 telefono zenbakira deitu.
Akademiara joan daitezke, astelehenetik ostiralera 18:00etatik 20:00etara, eta larunbatetan 11:00etatik 13:00etara.
Kultura eta Kirol sailera joan daitezke
Tailerretako arduradunen honako telefono zenbakietara dei daiteke: 943 62 68 39, 657 77 69 22 edo 675 71 74 07.
Posta elektroniko mezu bat bidal daiteke.

Askotariko aukerak daude, bai teknikak lantzerako orduan, zein horiek aplikatzerako garaian. Horien artean nabarmentzekoa da 6 urtetik gorakoentzako tailerra, nahiz aniztasun funtzionala dutenentzako prestatu dena. Horiez gain beste zazpi tailer ezberdin daude. Matrikula soila edo bikoitza egin daiteke. Soilarekin astean bi orduko eskola jasoko luke izena ematen duenak, eta bikoitzarekin, astean bi saio bina ordukoak. Honakoak dira prezioak:

Matrikula soila (astean bi orduko eskola bat): 282,79 euro helduena, 244,76 euro 18 urtetik beherakoena.
Matrikula bikoitza (astean bina orduko bi eskola): 542,44 euro helduena, 417,45 euro 18 urtetik beherakoena.
Ordainketa horrela egin daiteke: %50a matrikula egiterakoan, %25a abenduko lehen hamabostaldian, eta azken %25a otsaileko lehen hamabostaldian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.