Santa Maria Ateko armarria zaharberritzen hasi dira

Leda eskultura ere zaharberrituko dute.

Asier Perez-Karkamo

2016/09/19

Monumentua estali dute obrarako, baina arkua itxi gabe

Hondarribiko Santa Maria Ateko armarria garbitu eta zaharberritzeko lanak abiatu dituzte, baita Leda eskulturan ere. Horrelako lanetan aditua den Artemis Restauracion enpresak burutuko du obra eta plan zabalago baten parte dira ekintzak. Izan ere, hiriko ondare eskultorikoa mantentzeko programa zabalago baten barruan kokatzen dira orain hasiko diren lanak. Aurretik, besteak beste, San Juan de Dios eskultura eta Apezkipu plazakoa konpondu zituen udalak eta, urtea amaitu aurretik, Hartza eta kandana, San Kristobal eta Lehoia konpondu nahi dituzte. “Urte amaierarako ikusi ahal izango da ondare guzti hori, guztiz birgaituta”, adierazi du udalak. Orotara, 40.368 euro inbertituko ditu Hondarribiko Udalak aurten ondare eskultorikoa mantentzeko lanetan, horietatik 6.560 euro Santa Maria ateko armarrirako izango dira. Ez da asko Santa Maria ateko armarria konpondu zutela, hamalau urte inguru. Baina dagoen lekuan egonda, berriro garbiketa behar duela adierazi du udalak, eta etorkizunera begira produktu bereziekin babesten saiatuko direla: “Airearen kontaminazioaren, euriaren eta bestelako agenteen eraginez, garbiketa behar du. Produktu biozidak eta tentsioaktibo neutroak eskuzko teknikekin uztartuko dituzte, eskuila eta bisturiekin. Ondoren, eguraldi txarraren eragina ekiditeko, produktu hidrofugoekin babestuko dute”. Santa Maria atea konpontzen duten bitartean ez du oinezkoengan eta trafiko mugatuarengan eraginik izango, ezarri duten babes saredun aldamioak ez baitu arkua ixten. Baita Leda ere Santa Maria Ateko armarriaz gain, Leda eskultura ere berrituko dute: “Likenen eta algen eraso biologikoak jasan ditu, urarekin kontaktuan dagoelako”. Besteak beste, egitura barruko burdinezko hagak herdoilu eta zabaldu zaizkio, beltxargak mokoa galdu du eta Ledaren bularraldeak pintura orbanak ditu. “Tentsioaktibo neutroak eta produktu hidrofugoak erabilita garbitzeaz gainera, arrakalak eta gainerako kalteak konponduko dituzte”, erantsi du udalak. Leda eskulturaren konponketek 4.650 euroko aurrekontua dute.

Leda eskultura berrituko dute datozen asteetan

Irakurri: Hondarribiko armarria, bakarra eta bitxia

Ikusi: Eskulturak bilatzeko aitzakia

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Santa Maria Ateko armarria zaharberritzen hasi dira

Irakurri: Hondarribiko armarria, bakarra eta bitxia

Ikusi: Eskulturak bilatzeko aitzakia

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak