Hegobus zerbitzuak Hendaia eta Irun lotuko ditu bi linearen bitartez

Hegobus autobus publiko zerbitzua Iruneraino iritsiko da, San Juan plazaraino eta Behobiaraino. Txartelen prezioa euro batekoa da. Hendaiatik Lapurdi hegoaldeko hainbat herrietara joateko aukera dute erabiltzaileek

Urko Etxebeste

Bidasoa

2016/09/01

Ordezkari politikoak, gaur, zerbitzuaren aurkezpenean.

Hegobus, Lapurdi hegoaldeko autobus publikoen zerbitzua Iruneraino iritsi da. Bi linearen bitartez hiria eta Hendaia lotuko ditu aurrerantzean. 4. lineak San Juan plaza inguruko geltokia izango du pausaleku hirian; 5. linea, berriz, Behobiaraino iritsiko da. Lehen aldia da errepideko garraiobide publiko batek Bidasoa ibaiaren bi aldeak batzen dituela. Irundik Hendaiara iritsita (hainbat geltoki daude bertan, tartean bat SNCFren ondoan), Hegobusen beste lineekin bat egiteko aukera izango dute erabiltzaileek, eta adibidez, Donibane Lohizunera, Senperera, Sarara edo Azkainera joateko aukera izango dute. Urteko egun guztietan izango da martxan, egunez. Txartelaren prezioa euro batekoa da. Urteko sasoiaren arabera, ordea, maiztasun gehiago edo gutxiago izango dute autobusek (informazioa hegobus.fr webgunean). Horrela, hasteko, Irun (San Juan)-Hendaia lineak 45 minutuko maiztasuna izango du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.