Hondarribitik Suediara, baloiaren atzetik

Hondarribia Futbol Elkarteko haur eta kadete mailako neskak Gothemburgera bidean dira, Gothia Cup txapelketa jokatzeko.

Asier Perez-Karkamo

2016/07/15

Hondarribiko neskak, gaur arratsaldean, maletak autobusean sartzen

Suediarako bidean da datorren astean Gothia Cup txapelketan parte hartuko duen Hondarribia Futbol Elkarteko (HFE) taldea. Bi entrenatzaile, lau guraso eta 25 neska, gaur arratsaldean abiatu dira ahazten kostako zaien esperientzia bat bizitzera. Asteburu erdia errepidean pasako dute eta astelehenean hasiko dute lehiaketa, G16 mailan (16 urtez azpiko neska kadeteak). Talde handia osatu dute eta Haur Mailako zenbait neska ere deitu dituzte, datorren urtean kadeteetan jokatuko dutenak. Gutxienez lau partida jokatuko dituzte hondarribiarrek, gehienez zortzi. Hurrengo larunbatean itzuliko dira, finalen ondoren. Orotara, Euskal Herriko lau elkartek eman dute izena aurten Gothia Cup txapelketan, Gasteiz —hiru talderekin—, Gatika Milan Scuola, Groseko eta HFE. Munduko txapelketa handiena 1975 urteaz geroztik Gothemburgen jokatzen da udaro Gothia Cup. Gazteen Munduko Txapelketa bezala ezaguna da eta, zenbakiei erreparatuz, ez da gutxiagorako. Aurten 80 herrialde baino gehiagoko 1.707 taldek hartuko dute parte, 110 futbol zelaitan jokatuko da, eta ia 4.200 partida daude programatuta. Kirolatik harago doan ekitaldi bat da datorren astean Gothemburgen jokatuko den Gothia Cup futbol txapelketa. Eta horren parte izatera abiatu da gaur autbobusa Hondarribitik. Aupa neskak!

Hondarribia Futbol Elkarteko espedizioa, autobusean sartu baino minutu gutxi lehenago

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.