Zumeta handia, Menchu Galen

Jose Luis Zumeta sortzailearen 26 koadrorekin eta beste hainbat materialekin erakusketa jarri dute Menchu Gal aretoan.

2016/07/14

Gaur aurkeztu dute erakusketa.

Menchu Gal aretoa beste historia laburreko egitasmo handiena biribiltzear da. Gaur taldeari zabaldu zion tartearen azken erakusketa zabalduko dute bihar bertan (ostirala, hilak 15), Jose Luis Zumetaren lanekin, Revisitando a Zumeta izenburupean. Urriaren 16ra arte egongo da zabalik, honako ordutegiarekin:

Asteazken, ostegun, ostiral eta larunbatetan, 18:00etatik 21:00etara.
Igande eta jaiegunetan, 11:30etik 13:30era.

Orotara, Zumetaren 26 koadro eta sortzailearen hainbat agiri, kartel eta eskuorri —azken horiek sei beira-arasatan— ikus daitezke mostran. Gainera, koadroetan, Usurbilen jaio zen artistaren sorkuntza aro ezberdinak antzeman ahal izango dira. Lan horiek artistaren tailerretik —familiak utzitakoak—, eta Bilboko Arte Ederretako Museotik ekarritakoak dira. Baina badira bi Marisol Bastidak utzitakoak direnak, Mikel Laboaren bikotekide izandakoak alegia. Gainontzeko materiala Elkar Fundazioak eta Antton Elizegi argazkilariak utzitakoa da. Gaur aurkeztu dute erakusketa Menchu Galen bertan Juncal Eizagirre udaleko Kultura ordezkariak, Maria Jose Aranzasti erakusketaren komisarioak, eta Uxue Zumeta artistaren alabak. Eizagirrek esan duenez, Menchu Galen historia laburrean (2010ean hasi zen martxan) Gaur taldeari eskainitako tokia “izen handiei” tokia ematea izan da, “azken mende erdian euskal artearen izenik garrantzitsuenetakoak bildu ditugu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.