Oinaurreko bigarren faseko etxebizitzak betetzear dira
Oinaurre gunean Irunvik sustatutako 294 babes ofizialeko etxebizitzak eraikita eta esleituta daude.
Oinaurre gunean Irunvik sustatutako 294 babes ofizialeko etxebizitzak eraikita eta esleituta daude. Bigarren fase honetan, 124 etxebizitza gauzatu dira, eta ia denak bete dituzte dagoeneko euren jabeek, edo laster egingo dute. Aurretik, lehen fasean, babes ofizialeko 172 etxebizitza eraiki zituen Irunvik.
Oinaurrerako aurreikusita zeuden 424 babes ofizialeko etxebizitzetatik Eusko Jaurlaritzari dagozkion 128ak bukatzea falta da orain. Xabier Iridoy Hirigintza zinegotziak iragarri duenez, horietatik erdiak 2016 urte bukaerarako egongo dira amaituta edo beste erdiak 2017 erdialderako.
Gazteentzako apartamentuak
Jostun kalean gazteei zuzendutako 35-40 apartamentu (alokairukoak izango direnak) daude aurreikusita. Horretarako, Irunvik laster egitasmoa idatziko duela jakinarazi du Iridoyk. Kale horretan bertan, udalak tasatutako 16 etxebizitzatako bloke bat eraikitzen ari dira. Azkenik, etxebizitza libreak egiteko azken lurzorua saldu dutela jakinarazi du, eta 28 izango dira. Beste lurzoru bat ere saldu dute Clara Campoamor kalean. “Ekarpen ekonomiko horren bidez, Irunvik babestutako alokairuko etxebizitza batean inbertituko dugu”.
Iridoyk erakundeen arteko elkarlana nabarmendu du, eta horri esker, datozen hiru urteetan ere alokairuko babes ofizialeko 180 etxebizitzen eraikuntza martxan jarriko dutela.
Xabier Iridoy Hirigintza zinegotzia, Oinaurren.
