Bidasoan 135 pertsonatan jaitsi da langabezia ekainean

Eskualdean langabezia tasa %13,6koa da, Gipuzkoako altuena.

2016/07/05

Lanbideren bulego bat.

Ekainean zehar 135 pertsonatan jaitsi da langabezia Irunen eta Hondarribian: 96 Irunen, eta 39 Hondarribian. Horrela, Irungo langabezia tasa %15,1ekoa da egun, Hondarribikoa %9,4koa. Beraz, orotara, 5.067 langabe daude bi herrietan, 4.323 Irunen eta 744 Hondarribian. Iazko ekainaren bukaeran, Irungo langabezia tasa %16,2koa zen (4.818 langabe) eta Hondarribikoa %9,8koa (807 langabe). Horrek esan nahi du urtebetean Irunen 495 pertsonatan jaitsi dela langabeen kopurua, eta Hondarribian 63tan. Datuak datu, Bidasoak jarraitzen du izaten Gipuzkoan langabezia tasarik altuena duen eskualdea. Bidasoan Lanbiden izena emanda dutenen tasa %13,6koa bada ere, bigarren altuena Deba Barrenak dauka (%13,37) eta hirugarren altuena Oarsoaldeak (%13,16). Kontra, herrialdean tasarik txikiena duen eskualdea Urola Kosta da, %9,11rekin. Gipuzkoako batez besteko tasa %11,64koa da. Euskal Autonomia Erkidegokoa, berriz, %13,9koa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.