Merezitako onarpen BAT

Hondarribiko Udalak harrera egin die Bidasoa Atletiko Taldeko neskei, datorren urtean Ohorezko Mailan lehiatuko direlako.

Asier Perez-Karkamo

Hondarribia,Irun

2016/06/21

Bidasoa Atletiko Taldeko nesketako batzuk, udal ordezkariekin

Merezitako onarpen bat baino gehiago, merezitako sari baten onarpena izan da. Hondarribiko Udalak harrera egin die gaur arratsean Bidasoa Atletiko Taldeko (BAT) neskeei, Ohorezko Mailara igo izanagatik. Gaurko ekitaldi xumean beraiek izan dira protagonista, baina Txomin Sagarzazu alkateak klub osoaren urtetako lana nabarmendu du. Herriaren izenean mintzatu da alkatea, eta ondoan Udalbatza ia osoa eduki du. Ez zen gutxiagorako. Handia da lortutakoa, eta datorren urtean Espainiako Estatuko talde erraldoien artean —entzun zerrenda beheko bideoan— txiki sentituko dira atleta bidasoarrak. Izan ere, besteekin parekatuta hain talde txikia da ezen kirolari promesa, junior eta jubenilen beharra izan baitu igoera kanporaketan lehiatu ahal izateko. Ia berrogei neska aritu dira guztira, eta ate handitik sartu dira maila nagusian, kanporaketako hiru jardunaldietan lehen postua lortuta, inoiz lortu gabekoa. BAT klubaren ordezkari gisa Joseba Sarriegi jarri da ondo baino hobeto erabiltzen dakien mikroaren aurrean. Neskak zoriondu ditu, eta hurrengo urteetan goian egoteko aukera dutela esan die: “Ekipo oso gaztea da, hau da, etorkizuna duzuen taldea zarete. Hori bai, ez da erraza izango”. Erraza ez, baina handia bai izango litzateke Irungo eta Hondarribiko neskek atletismoko maila gorenean urte asko ematea, bertaraino iritsi izana bezain handia. Goian, oso goian jarri du langa Bidasoa Atletiko Taldeak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Merezitako onarpen BAT

Gipuzkoa

Nicole Garcia, Maha Harada, Pablo Larrain eta Mike Leigh Donostiako Zinemaldiko lehian izango dira

Harun Farockiren begirada zorrotza

Itxasok uste du beharrezkoa dela etxe eskaintza handitzea tentsio eremuetako egoerari aurre egiteko

Coltrane eta Davis, 1926an jaiotako izarrak

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote