Musikirun finalera iritsi da
Hiru talderen artean erabakiko da, bat ere ez da Irungoa.
Duela hilabete inguru hasi zen, Musikirun maketa lehiketa, eta bihar, final handia izango da. 22:00etan hasiko da, Urdanibia plazan egingo dituzten kontzertuetan.
Hiru talderen artean erabakiko da, bat ere ez da Irungoa: Zarauzko The Nephews, Granadako Ehta Gente eta Madrilgo Xpresidentes. Eurekin batera, Grises taldea entzuteko aukera ere izango da. Elektropop doinuak jarriko ditu.
Gazteentzako gunea, sanmartzialetan
Ez haur ez oraindik heldu ez direnentzako eskaintza egin du sanmartzialei begira Gazteria Sailak. Horregatik, hilaren 25, 26 eta 27an gazteentzako gune berezi bat prestatuko dute Uranzu frontoian.
Egun bakoitzean gai bat landuko dute: lehenengoa Batujai eguna izango da; bigarrengoa, Urban day eta hirugarrengoa Media & Musik. Film proiekzioak, tailerrak, musika eta kontzertuak ez dira faltako. Azken egunean Lauroba taldea entzuteko aukera izango da.
ehta gente (Granada)
Erlazionatutako edukiaSei talde lehian, Musikiruneko finalerdietan
