[Bideoa] Bidasoa finalean da

Bidasoak Ciudad Real garaituta, finala jokatuko du, bihar, Zaragozaren kontra.

2016/06/04

Bidasoa Ciudad Reali irabazitako play off-etako partida ospatzen.

Artalekuko harmailak lehertu dira. Bidasoak gainditu du gaurko langa, eta bihar, finala jokatuko du Zamoraren kontra. Plaza bakarra dago datorren urtean Asobal Ligan jokatzeko, baina gaurkoan bezala, zaleak Bidasoarekin egongo dira, eta ametsa betetzeko erabakiorra izango da euren bultzada. Datorren urtean Asobal Ligan jokatzeko ametsa lortzeko pauso garrantzitsua eman du gaur Bidasoak, Ciudad Real garaituta, 19-15. Lehenengo gola kanpoko taldearentzat izan da, baina erraz eman diote buelta markagailuari, eta denbora guztian aurretik egon dira irundarrak. Edonola ere, lehen zatian kosta egin zaie bi taldeei atea haustea. Dejanovicek lan bikaina egin du atean. Atsedenaldira 9-7 iritsi dira. Presio handiagoa egin du ondoren etxeko taldeak, eta Muiñak segidan sartutako bi golek bultzada eman diote. Azken minutuetan errenta txikitu du Ciudad Realek, baina Bidasoak txukun jarraitu du bere lana egiten, eta azkenean, garaipena. Azken minutuan dagoeneko hasi da festa harmailetan. Zaleak pozik, harro. Festa hasi da, eta ikusi beharko da bihar segida daukan. Edonola ere, partidaren aurretik dagoeneko, giroa nabaria zen kalean: bai kaleen koloreagatik (dena hori-urdinez jantzita zegoen) eta baita jarraitzaileen erantzunagatik ere. Kamiseta horiak edonon ikus zitezkeen. Arratsaldean, berriz, txarangak jarri du giroa, eta Artalekuraino joan dira hamarnaka zale festa giroan. Norbaitek finala galdu nahi ez badu, sarrerak salgai egongo dira leihatilan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Bideoa] Bidasoa finalean da

Gipuzkoa

Donostia Eskuzaitzetako industria parkearekin lotzeko autobus linea abiaraziko dute

Elgeako mendilerroan piztu den sutea kontrolpean dago jada

Gaur hasi dituzte Azpeitiko Corrugados lantegia eraisteko lanak

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez