Txingudi Ikastolako patioa estaltzeko proiektua aurrera doa
Proiektua erredaktatzen ari dira, eta laster lizitatzea espero du udalak.
Aurrekontu parte hartzaileetan boto gehien eskuratu zituen eskaera izan zen Txingudi Ikastolako patioa estaltzearena. Udalak jakinarazi duenez, proiektua aurrera doa: orain egitasmoa idazten ari dira eta laster obrak lizitatzea espero dute. 250.000 euroko aurrekontua izango du.
Aurrekontu parte hartzaileetatik ateratako beste hainbat proiektu aurrera eramateko konpromisoa ere hartu du udalak. Esate baterako, Artiako futbol zelaia estaltzea, bigarren proposamen bozkatuena. Orain, ekonomikoki eta teknikoki bideragarria den aztertzen ari direla jakinarazi du duala. 400.000 euroko aurrekontua izango du proiektuak.
Hirugarren proiektu bozkatuena Behobiko Zaintza Eraikinarena izan zen. Dagoeneko idatzita dagoela azaldu du udalak, baina Ura agentziaren baimenaren zain daudela. 495.000 euroko aurrekontua izango du.
Beste bi proiektu ere aurrera eramango dituztela gaineratu du: Nafarroa Hiribideko espaloia konpontzea eta San Migeleko Adinekoen Zentroaren instalazioak hobetzea.
Goizetik arratsera izango da zertaz gozatu Txingudin
Erlazionatutako edukiaAurrekontu parte hartzaileen emaitza, hamalau proposamen
