Txalupak, tokiko produktua bultzatzeko

Txalupak proiektuak bertako produktua balorean jarri nahi du. Atzo aurkeztu zuten Hondarribiko udaletxean.

Asier Perez-Karkamo

2016/04/20

Kunsthaleko ikasleak, Txalupak proiektuaren aurkezpenean

Txalupa eta kalabaza Hondarribiko tokiko produktuen ikur bilakatuko dira aurrerantzean, Kunsthal diseinu eskolako ikasle talde batek garatu duen Txalupak proiektuari esker. Hondarribia Abian Enplegu eta Garapen Ekonomikorako Planaren barruan kokatzen da ekimena eta atzo arratsaldean aurkeztu zuten udaletxean, Bertako Produktuen Astearen barruan. “Proiektuak lotura sortu nahi du nekazaritza munduaren eta biztanleen artean, eta horretarako Hondarribian garrantzitsua den osagai bat erabiltzen du, txalupa”, azaldu du Kalixa Silanes Nekazaritza, Ingurumen eta Agenda 21eko zinegotziak. Helburua tokiko produktua balorean jartzea da, halaber, lehen sektorea bultzatu nahi du Txalupak egitasmoak. Hurrengo asteetan proiektua ikusaraziko dute. Horretarako, leku estrategikoetan kokatuko dituzte bi elementuak, jendea harritzeko helburuarekin, hausnar dezaten ikusten dutenarekin. “Bertako produktua balioan jartzeaz gain, produktua eta nekazaritza mundua agerrarazi nahi dira; hau da, herritarrei hurbiltzea, eta informazioa ematea produktua eskuratzeko moduei buruz”, gaineratu du Silanesek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.