Uda Abenturan izena emateko epea zabaldu dute

Uda Abenturan bi txanda egingo dituzte aurten, uztailean biak, 40 haurrekoa bakoitza

Bidasoa

2016/04/18

Besteak beste, ureko jarduerak egiten dituzte Uda Abenturan

2002, 2003 eta 2004 urteetan jaiotako hondarribiarrak (12, 13 eta 14 urte dituzte) Udaleko Gazteria Sailaren Uda Abenturan programan izena ema dezakete gaurtik larunbata arte. Bi baldintza bete behar dira horretan izena emateko: Hondarribian erroldatuta egotea, eta programa euskara hutsean denez, bere taldekideekin nahiz monitoreekin euskaraz hitz egiteko gai izan behar dute parte hartzaileek. Izen emateak 140 euroko prezioa du, eta hori egiteko bi era daude: lehena udalaren webgunearen bitartez, bigarrena Gazte Informazio Bulegora hurbilduz (Javier Ugarte kaleko 6. zenbakian dago, 943 64 47 52), astelehenetik ostiralera 16:30etik 19:30era eta larunbatean (azken eguna) 10:00etatik 13:00etara. Uda Abenturan udalekuek bi txanda dituzte, bakoitza 40na haurrekoa. Goiz eta arratsaldeko ordutegiarekin, uztailaren 4tik 14ra da lehen txanda, bigarrena 18tik 29ra. Besteak beste surfa, piraguismoa, eskalada, akanpadak, irteerak, tailerrak eta jokoak egingo dituzte plaza lortzen dutenek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.