Mihi zorrotz dantzariak

Jamaikar doinuak nagusi izango dira larunbatean Psilocybenean. Lengualerta mexikarrak joko du bertan eta ondoan izango ditu Bad Sound eta Ziribulio Sound.

Olatz Mitxelena

Hondarribia,Irun

2016/03/31

Lengualerta mexikarrak erritmo jamaikarrak eta sai sozialak uztartuko ditu Psilocybenean

Lengualerta mexikarra zuzenean ikusi eta entzuteko aukera izango da bihar Hondarribian. Bakarlari mexikarrak Resonante diskoa aurkeztuko du euskal zaleen aurrean, Psilocybenean. Indie-O Music Awards sarietan –Mexikoko musika independientearen sariak–, bi izendapen lortu zituen Lengualertak Resonante diskoarekin, eta horietako batean saritu zuten. Tu Nombre eta Reverdeciendo, horiexek diskako abestirik ezagunenak. Askotariko gizarte borroken bozgorailua da Lengualerta. Jamaikar eragin ukaezinarekin, bere lirika bidez, eraldaketa soziala bultzatzen du, latinoamerikako zapalduenen borrokak bere eginez, eta erebeldiari jai ukitua emanez. Etxekoen uzta Iturri beretik edaten duten beste bi talderen erritmoarekin osatu dute Psilocybeneako eskaintza. Bad Sound taldeko irundarrek, Aldaketa diskoa aurkeztuko dute. Euskal Herriko hip hop eta reggae eszenaren aitzindariek ez dute inor epel utziko. Festa osatzeko Glaukoma taldeko kideek osatu duten Ziribulio Sound System taldekoak igoko dira taula gainera. Letra zorrotzak eta erritmo dantzagarriak. Horiek biharko Psilocybenea aretoaren eskaintzan. 21:30ean hasiko da kontzertua. Sarrerak 6 euro.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.