Bi duna izango ditu hondartzak

Espainiako Gobernua beste duna bat ari da prestatzen, aldundiak 2014 urtean eraikitakoak izandako arrakasta ikusita.

Asier Perez-Karkamo

2016/03/22

Aldalekuen parean ari dira hondartzako bigarren duna eraikitzen

Duela bi urte aldundiak sorturikoak izandako arrakastaren ondoren (ikusi beheko galeria), bigarren duna bat izango du Hondarribiko hondartzak. Juan mari Altuna Hondarribiko Udaleko Zerbitzuetako zinegotziak jakinarazi duenez, Espainiako Gobernuko Itsasertzetako departamentua ari da duna eraikitzen, “orain arte Bidasoa XXIeko instalakuntzak jartzen ziren azaleran”. Hortaz, azpiegitura horiek udaran beste leku batean kokatuko dituzte. Aurreneko dunak haizeak altxatutako harea gelditzeko gaitasun handia erakutsi du, “hau da, hondartza eta hondarraren mugimenduari eusteko”, esan du Altunak. Hori horrela, haizearen mugimendua aztertu dute duna non eta nola kokatu erabakitzeko: “Dunaren forma, haizearen arabera planteatzen dute, eta Itsasertzetako Zuzendaritzak egindako ikerketaren ondorioz horrelako forma luzatua atera da”. Kokaleku hori izanik, aldalekuetako eremua orain baino babestuagoa egongo da dunan landaredia jaiotzen den heinean. Eraikitzen Espainiako Gobernua ari bada ere, aldundiaren esku geratuko da bigarren dunaren garbiketa eta mantenua, bestearekin egiten duen bezala.

Espigoiko dunako argazki galeria

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.