Hondarribiko kadeteek zestako Udaberriko finala jokatuko dute lehen aldiz
Udaberri torneoko zesta puntako lau finalak Hondarribian jokatuko dituzte larunbat honetan.
Udaberri Txapelketako zesta puntako finalak jokatuko dituzte bihar Hondarribiko Jostaldi pilotalekuan. Lau mailetako finalak jokatuko dituzte, kimu, haur, kadete eta seniorretan, eta Hondarribiko Pilota Eskolako bikote bat sailkatu da finalera, Kadete Mailakoa. Bigarren aldia izango da Hondarribiko bikote batek zesta puntako Gipuzkoako final bat jokatuko duela; iaz Ageda eta Del Rio seniorrek jokatu zuten finala, Zumaiaren kontra.
Bostetan hasiko da jaialdia eta hirugarren partida izango da kadeteena; herriko bikoteak Zumaia izango du aurrez aurre. Sailkatze fasean bi aldiz aritu dira Zumaia eta Hondarribia nor baino nor, eta bietan nagusitu dira zumaiarrak, baina alde txikiarekin. Bihar, etxean, ezustekoa ematen saiatuko dira hondarribiarrak, Gipuzkoako Udaberri Txapelketako zesta puntako kadeteen finalean.
Udaberri Txapelketa. Zesta Puntako finalak
- Kimuak: Danok Bat vs Zumaia
- Haurrak: Donosti Jai Alai vs Zumaia
- Kadeteak: Zumaia vs Hondarribia
- Seniorrak: Beotibar vs Donosti Jai Alai
Hondarribiko atzelari kadetea, sailkatze faseko partida batean
