Asteburuan Basque Market izango da Itsas Etxea
Hemezortzi erakusketari muntatuko dituzte Itsas Etxean, bost arlotan banatuta: altzariak, ehungintzaren dekorazioa, bitxigintza, irudigintza eta gadget-ak.
Artisautza azoka baino gehiago izateko xedearekin antolatu dute lehen aldiz Hondarribiko Basque Market azoka. Itsas Etxean egingo dute bihar eta etzi, goiz eta arratsaldez, eta diseinu eta artisautza erakusketariekin batera, beste hainbat ekitaldi paralelorekin osatu dute egitaraua: haurrentzako tailerrak —lekurik ez da geratzen—, hitzaldiak, eta zuzeneko musika, dantza erakustaldia…
Hemezortzi erakusketari muntatuko dituzte Itsas Etxean, bost arlotan banatuta: altzariak, ehungintzaren dekorazioa, bitxigintza, irudigintza eta gadget-ak. Azokaren sustatzaile Raquel Fernandezen hitzetan, “euskal sortzaileen talentua erakusteko” helburua du ekitaldiak, eta hori horrela, “sortzaile originalak” elkartu nahi izan dituzte.
Irakurri Raquel Hernandezi eginiko elkarrizketa
Raquel Hernandez, Basque Market azokako sortzailea
Hitzaldiak
Larunbata- Martxuka, Adelaide Darasperekin (11:30).
- Gure itsasoko urdina harrapatu… harien bitartez!, Pilas Morquillasen eskutik (16:00).
- Gure festarako jantziak azken 100 urteotan, Ane Albisurekin (11:30).
- Bidasoako hainbat idazlerekin solasaldia (16:00): Bakarne Atxukarro, Izaskun Zubialde, Roman Huarte eta Fernando Garcia.
Kontzertuak
Larunbata- Izaro (13:00).
- Amor de Tokyo (19:00).
- Howdy (13:00).
- Frank (19:00).
