Kantaka elkarteak kantu bazkari irekia prestatu du iganderako
Txartelak Olearso liburu dendan erosi behar dira osteguna baino lehen.
Kantaka euskal kultur taldeak antolatuta, kantu bazkaria egingo dute hilaren 13an, igandez, Hondarribiko Klink elkartean. “Musikariek lagundurik, giro alaian betiko euskal kantak eta Hondarribikoak” abestuko dituztela esan du Kattalin Noblia Kantakako kideak.
Kantakak antolatzen dituen ekitaldi oro bezala, igandeko kantu bazkaria ere irekia da: “Ekitaldia herritar guztiei zabalik dago, gazte zein adinekoei”.
San Pedro kaleko Olearso liburu dendan daude txartelak salgai, 18 euroan, baina erreserba telefonoz egiteko aukera ere badago, 690 27 26 31 zenbakira deituta. Adi, izena emateko azken eguna asteazkena baita, hilaren 9a. 
