Sei hondarribiar Andoaingo Piano Jaialdian
800 musika ikasle baino gehiago elkartu ziren larunbatean Bastero kulturgunean, haien artean, Hondarribiko Musika Eskolako sei ordezkari.
800 musika ikasletik gora elkartu zituen larunbatean eta igandean Bastero kulturgunean egin zen Andoaingo XI. Piano Jaialdiak.
Hondarribiko Musika Eskolako sei ikaslek hartu zuten parte jaialdian, Esther Barandiaran eta Miren Erostarbe irakasleen ikasleak: Marina Jimenez, Aimar Sandin eta Unai Ramos, A Mailan (11 urtera arte); Maider Iguiñiz eta Maialen Amunarriz, B Mailan (14 artekoak); eta Maria Perez, C Mailan (18tik beherakoak). Guztira urrezko bost domina lortu zituzten, eta beste bat brontzezkoa.
Ohi bezala, gipuzkoarrak izan dira parte hartzaile gehienak, 741 ikasle, baina kanpoko ordezkaritza ere aipagarria izan da. Bizkaitik 49 pianojole izan dira, 11 Nafarroatik eta beste lau arabarrak.
Erronka, sei eskura
Guztira, 805 musika ikaslek hartu dute parte Andoaingo XI. Piano Jaialdian. Aurten erronka berezia izan dute, sei eskura jotzea. Lehen aldia izan da jaialdian hiruko taldeetan aritu izan direna, eta 36 ikasle animatu dira, hamabi hirukote. Lau eskutara beste 152 gaztetxo eseri ziren pianoaren aurrean, eta gehienak bakarka aritu ziren, 617 ikasle.
Jaialdiari lotuta, 30 kontzertu baino gehiago programatu ditu Basteroko piano topaketak.
Hondarribiko sei ikasleetako bost —Maria Perez falta da—, lortutako diplomekin
