Manu Azkonarena da Inauterietako kartela
Lehiaketara aurkeztutako lanak Arma Plazan ikus daitezke. Hamasei aurkeztu dira aurten.
Milesker eta zorionak Don Pedro Viteri eta Arana kartelak iragarriko ditu Hondaribiko Inauteriak. Manu Azkona hondarribiarraren lana da eta lan horrekin irabazi du aurtengo kartel lehiaketa. Iazko ekitalditik jaitsi egin da parte hartzea, baina hala eta guztiz ere, hamasei kartel aurkeztu dira aurten. Javier Sagarzazuk, Idoia Seijok, Maria Serrano eta Kalixa Silanes zinegotziek, eta Goio Uriarte Kultura teknikariak osatu dute epaimahaia, azken hau epaimahaiko idazkari lanetan. Dagoeneko abian da kartel lehiaketara aurkeztu ziren lanekin prestatu duten erakusketa. Arma Plaza kultur eta turismo gunean bisitatu daiteke hilaren 14ra bitarte.