San Juan aparkalekuan alokairu sistema berreskuratzeko eskatu du EH Bilduk

Herritarrek aparkalekuak har ditzaten udalak erabili duen "estrategia" salatu du EH Bilduk.

2016/02/01

San Juan plazako lur azpiko parkina

Duela hilabete inguru eman zituen San Juan aparkalekuko plazen eskaintzaren datuak udalak, eta 158 plazatik 34 izan dira herritarrek eskatu dituztenak. Plaza horiek 3, 10 edo 25 urtetarako kontzesioak dira. EH Bilduk, ordea, herritarrek aparkalekuak har ditzaten udalak erabili duen “estrategia” salatu du, eta “orain arte oso ondo funtzionatu duen alokairu sistema” berriro indarrean jartzeko eskatu du EH Bilduren esanetan, udalak aparkalekuko alokairu sistema urtarrila bukaeran indarrik gabe utziko duela jakinarazi zien sistema horren erabiltzaileei. Hain zuzen, ordura arte 40 euro inguruko alokairu baten truke aparkatzeko aukera zeukaten. Hori aparkaleku horiek eskuratzeko estrategia izan dela iritzi dio EH Bilduk, eta Urdanibia plazako obrak amaitutakoan obren ondorioz, hainbat plaza desagertu izanarekin lotu du. Politika “txapuzerotzat” jo du, eta horrek bi arazo sortuko dituela iritzi dio: batetik, San Juan aparkalekuan “oraindik 124 plaza huts” izatea, eta otsailetik aurrera, “aparkatzeko arazo larriak” agertzea, “bai Urdanibian eta baita domino efektu baten ondorioz, jadanik aparkatzeko arazoak dituzten Uranzu, Arbes edota Palmera Monteron ere”. Horrenbestez, San Juan aparkalekuko plaza hutsak “errenta justu baten trukean” inguruko komertzio eta enpresetako langileei erabiltzeko aukera ematea; autoez gain, motorrak eta txirrindak aparkatzeko aukera ematea eta inguruko bizilagunekin orain arte oso ondo funtzionatu duen sistema indarrean jartzea eskatu du EH Bilduk, “urtarrilaren 31ra arte zegoen kontratuari jarraipena emanez”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

San Juan aparkalekuan alokairu sistema berreskuratzeko eskatu du EH Bilduk

Gipuzkoa

157 ekintza antolatuko dituzte Gipuzkoan, arriskuan dagoen ondareari begira

Donostia Eskuzaitzetako industria parkearekin lotzeko autobus linea abiaraziko dute

Elgeako mendilerroan piztu den sutea kontrolpean dago jada

Gaur hasi dituzte Azpeitiko Corrugados lantegia eraisteko lanak

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan