Bigarrenez antolatu dute Asun Casasola ipuin motzen lehiaketa

Txingudi Antisexistak, indarkeria matxistaren kontrako ipuin lehiaketa antolatzeaz gain, manifestazioa egingo du hilaren 25ean.

Erik Gartzia

Hondarribia,Irun

2015/11/20

Asun Casasola Lehiaketaren bigarren ekitaldia gaur aurkeztu dute

Asun Casasola Ipuin Motzen Lehiaketa antolatu du, bigarren aldiz, Txingudi Antisexistak (TAS). Lehenengo ekitaldiaren ildo bera jarraituko du: “Nagore Laffageren oroimenez eta bere ama Asun Casasolak egindako lanari esker onez antolatu genituen, bizimodu libreak idazteko helburuarekin”, esan du Garazi Lizarraga TASeko kideak. Lehenengo ekitaldian 108 lan aurkeztu zituzten, eta oraingoan aurreko irabazleek idatziko azkeneko esaldiekin hasi beharko dituzte kontakizunak. Euskarazkoan “Lortu dugu” izango da, eta gaztelerazkoan, berriz, “Lo que le hizo tomar la decisión de no volver“. TASek argi utzi du Nagore Laffageri gertatu zitzaiona ez dutela berriro baimenduko: “Indarkeriarik gabeko etorkizuna idatzi nahi dugu”. Asun Casasola lehiaketan parte hartzeko oinarriak aurki jakinaraziko dituzte euren webgunean. Bi bide egongo dira lanak aurkeztu nahi dituenarentzat: Oskarbi liburu dendan utzita edo e-posta bidez. 25ean, manifestazioa Datorren asteazkenean, Emakumeen Kontrako Indarkeriaren Aurkako Eguna izango da. Horren harira, TASek manifestazioa deitu du. Zabaltza plazatik irtengo da, 19:30ean. San Juan Arria plazan bukatuko da. Bertan, Euskal Herrian aurten indarkeria matxistagatik hil dituzten bost emakumeak oroitu dituzte —indarkeria mota hori salatzeaz gain—. Ekitaldia “hunkigarria eta polita” izango dela iragarri dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.