Plaiaundi deskubritzeko txangoa antolatu du Bidasoaldeko Lagunak taldeak

Eguzki Bidasoaldea, Ekologistak Martxan, Itsas Enara Ornitologia, SEO/BIrdLife eta Oiasso 2000 auzo elkarteen elkargoak osatzen dute Bidasoaldeko Lagunak taldea.

Asier Perez-Karkamo

Hondarribia,Irun

2015/11/16

Bidasoaldeko Lagunak Plaiaundi San Lorentzo

Lertxunak eta mokozabalak Plaiaundiko San Lorentzo aintziran

Talde ekologistak eta bestelako eragileak biltzen dituen Bidasoaldeko Lagunak taldeak Plaiaundi “deskubritzeko” txangoa antolatu du iganderako, hilak 22. “Ibilbidea laua, erosoa eta bi kilometro baino laburragoa da, beraz edonorentzat egokia da”, esan dute. 10:30ean abiatuko dira, parkeko sarreratik. Bi kilometroko ibilbidea bi ordu eta erdian egiteko asmoa dute, natura guneaz disfrutatzea baita helburua, baita babes neurriak aldarrikatzea ere. Izan ere, larunbateko bisita horrekin, parke ekologikoko aberastasun naturala ezagutarazi eta Txingudiko Hezeguneen Plan Nagusia betearaztea eskatu nahi dute. Bidasoaldeko Lagunak taldeak nabarmentzen du badia Natura 2000 eta Ramsar sareetan dagoela, eta badela hezeguneak lehengoratzeko plan bat onartua, baina zenbait proiektuk lehengoratze hori zailtzen dutela uste dute: “Pasabideen proiektuak, dragatzeak, trenbide asmo berriak, aurreikusitako hainbat lehengoratze ekimen ez gauzatzearekin batera, ingurune honek bere balio eta dinamika naturalak berreskuratzea galarazten ari dira”.

Bidasoaldeko Lagunak Plaiaundi kirol gunea

Plaiaundiko kirol gunea

Hala, Plaiaundiko kirol gunea lekuz mugitzeko eta hezegunea lehengoratzeko neurriak hartzeko exijitu diete erakundeei: “Padura modura lehengoratu behar den lur azaleraren zati handi bat betetzeaz gain, bertako aktibitateak fauna basatiari asaldatze handiak eragiten dizkio. Kirol instalazio horien eraispena bi hamarkada baino gehiago atzeratu da dagoeneko, nagusiki, Irungo Udalaren axolagabekeriaren ondorioz”. Nolanahi ere, arazo guztien gainetik Txingudiko badiak dozenaka hegazti espezieren babeslekua dela nabarmendu dute, eta horretaz gozatzeko asmoa dute igandean: “Plaiaundi bisitatzea bere ibilbideetatik paseatzea baino gehiago da. Natura zaletasunaz bultzatuak, bertan behaketa ordu asko igarotzen dutenekin lagunduta egiten badugu eta bertako faunak eta florak merezi duten begiruneaz eta patxadaz mugitzen bagara, bere espazioak eta espezieak deskubritu ahal izango ditugu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Plaiaundi deskubritzeko txangoa antolatu du Bidasoaldeko Lagunak taldeak

Gipuzkoa

Errenteriak eta Hernanik elkarlana eta «jarduteko modu berriak» eskatu dituzte etxegabeen arazoari aurre egiteko

Ehunka lagunek protesta egin dute Donostian, erosketa orgak eskuan

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko