Palmera Monteroko zentroari emango zaion erabilera kritikatu dute
Hiritar zentroak erabilera publikoa baino erabilera pribatu gehiago izango duela iritzi dio Si Se Puede Irunek.
Erritmo onean doaz Palmera-Monteroko lanak
Joan den astean udalak Palmera Monteron egingo duten gizarte zentroan MU Mondragon Unibertsitateak tokia izango duela jakinarazi zuen. Toki hori, hasieran, herri lanen bulegoari eta Bidasoa Bizirik erakundearen bulegoari ematekoak zirela esan du Si Se Puede Irunek.
Hala, zentroari emango dioten erabilera ikusita, erabilera publikoa baino erabilera pribatu gehiago (supermerkatua, MU, saltokiak….) duen zentro bat izango dela salatu du Si Se Puede Irunek.
“Hirigintza eta herri lanen bulegoa Palmera Monterora eramatearen helburua Kostorbeko zentrotik joatea zen egoera txarrean zegoelako eta alokairua oso garestia zelako. Zer arrazoi dago orain eremu hori MUri lagatzeko?”, galdetu du udal taldeak. Gainera, MUk ez duela ezer ordainduko gaineratu du.
Hori dela eta, Kostorbeko arloak, behintzat, beste arlo batera eramatea espero dutela esan du, “baita CBA zentroan oraindik hutsik dauden eremuak ekipamendu soziokulturalekin betetzea ere”.
