Partaidetzazko aurrekontuak azken fasean sartu dira

Azaroaren 5ean 48 proposamen finalistak aurkezteko bilera egingo dute. Orain, Interneteko 160 proposamenetatik hamabi aukeratu beharko dira, Interneten bozkatuta.

Aizpea Amas

Irun

2015/10/23

Ospitale zaharreko partaidetzazko aurrekontuen saioa

78 lagun izan ziren Ospitale Zaharrean, partaidetzazko aurrekontuen aurrez aurreko azken bileran. Orain, fase berri batean sartuko da prozesua. Batetik, Interneten egindako 160 proposamenetatik hamabi aukeratu beharko dira. Ondoren, hilaren 26tik 29ra aukeratuko dira finalera pasatuko diren azken hamabi proposamenak. Hori Internet bidez egingo da. Azkenik, azaroaren 5ean bilera ireki bat egingo dute aurrez aurreko bileretako 36 proposamenak eta Interneteko hamabiak aurkezteko. Gazteen aurrekontuei dagokienez, 55 ideia atera dira. Horiek azaroan bozkatu ahal izango dira. Ospitale Zaharreko bileran boto gehien jasotako proposamenak hauek dira.

Hiri agenteak kontratatzea, animaliei egindako tratu txarren eta pozoitzeak kontrolatzeko.
Txakurrentzako parkeak egitea hiriko zenbait tokitan
Animalientzako babes gune bat irekitzea.
Animalien erreskaterako patruila bat sortzea
Kaleko katuen esterilizazio eta saneamendurako aurrekontu bat bideratzea
Elatzeta ikastetxeko eta pasabidearen eraikinen arteko bidea estaltzea autobus geltokira arte
Ludoteketako langileen lan baldintzak hobetzea eta zerbitzua beste auzoetara aurkeztea.
Oakinta-Mendiolako oinezkoen bide bihurtzeko lanak bukatzea
Santa Elena kultur espazio bihurtzea
Sargia parkeko zati bat estaltzea eta instalazioak berritzea
Otatze inguruan argiak jartea
Autobus geltoki guztietan markesinak jartzea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.