Sailkapenean hiru postu gora egin eta bederatzigarren jarri da Hondarribia Eskubaloia taldea.
![Hondarribia Eskubaloia Tello](http://bidasoa.hitza.eus/site/files/2015/10/Hondarribia-Eskubaloia.jpg)
Corazonistasen aurkako emaitza hobetu nahi du taldeak Deustu Loiolaren kontra
Hondarribia Eskubaloia taldeak ligako bigarren berdinketa lortu zuen larunbatean Legazpiko Bikuña kiroldegian Lau Bide Jatetexearen aurka (23-23). Puntu horri esker Euskal Ligako sailkapenean hiru toki egin du gora eta bederatzigarren postuan jarri dira, bosgarren tokitik bi puntura. Hala, liga hasiera nahi bezalakoa egin ez duten arren, taularen erdialdean kokatu dira hondarribiarrak (
sailkapena).
Hurrengo asteburuan posizioa hobetzeko aukera izango du Hondarribiak, justu aurretik eta puntu kopuru berberarekin duten Deustu Loiola Unibertsitatearen kontrako partida izango dutelako.
Hondartza kiroldegian jokatuko dute, etxeko partidetako ohiko ordutegian: igandean, 12:00etan. Etxeko bigarren norgehiagoka izango da, eta lehenengoan Corazonistasen kontra galdu eta gero, garaipen bat eskaini nahiko die taldeak zaleei.
Hondarribia Eskubaloia klubaren asteburuko emaitzak
Euskal Liga
- Lau Bide Jatetxea-Hondarribia Eskubaloia 23-23
Gipuzkoako 2. Lurraldeko Txapelketa
Gazteen Maila
- Hondarribia Eskubaloia-Leizaran 20-31
Kadeteen Maila
- Hondarribia Eskubaloia-Urnieta 19-21