Txingudi Ekoetxean, igandean, hegaztien maitaleentzat ateak zabalik

Hainbat jarduera egingo dituzte Hegaztien Munduko Egunaren harira Txingudi Ekoetxean.

2015/09/29

Horrelako irudiak ikus daitezke igandean

Hegaztien Munduko Egunaren harira, ate irekien eguna egingo dute igandean (urriak 4) Txingudi Ekoetxean. Horretarako, hainbat jarduera antolatu dituzte, tartean hitzaldiak, haurrentzako jarduerak, eta behaketak. Ondokoa da egitaraua:

10:00etan, hegaztien identifikazio lehiaketaren hasiera.
10:00-13:30, hegaztien behaketa, teleskopioekin, Ugatza eta Itsas Enara Ornitologia Elkartearen eskutik.
10:00-13:30, SEO eta Itsas Enara Ornitologia Elkartearen informazio mahaia.
10:00-12:15, haurrentzako eskulan tailerra.
12:15-13:15, hitzaldia Itsas Enara Ornitologia elkarteko kideen eskutik.
13:30, hegaztien identifikazio lehiaketaren sari banaketa.

Horrez guztiaz gain, urriaren 3an (larunbata) Euskadiko I. Ornitologia Maratoia egingo dute, Erkidego mailakoa. Horren xedea da EAEko edozein lekutan 24 orduz ahalik eta hegazti espezie gehien identifikatzea. Aldez aurretik izena eman behar da posta elektroniko bidez.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.