Euskara praktikoa, Irungo AEK euskaltegian

Norbanakoentzat, dendarientzat, gurasoentzat nahiz mintza praktika egin nahi dutenentzat eskaintza zabala prestatu du Irungo AEK-k

Urko Etxebeste

Irun

2015/09/28

Irungo AEK-ko kideak

Ikasturte berrirako matrikulazio kanpainan dago buru-belarri Irungo AEK euskaltegia ere. Aukera zabala dute, norbanakoentzat aurrez aurreko nahiz autoikaskuntza metodoekin. Baina dendarientzat, gurasoentzat edo mintzapraktikan sakondu nahi dutenentzat ere eskaintza prest du. Jarraian dagoen zerrendan dago AEKren eskaintza. Hori baliatu nahi dutenek, edo informazio gehiago nahi dutenek, 943 62 88 34 telefono zenbakira dei dezakete, edo euskaltegiaren posta elektronikora idatzi. AEKren egoitzara ere joan daitezke interesdunak: Legia kaleko 6. zenbakian dago Irungo AEK, San Juan plazaren ondo-ondoan. AEK-ko kideek oroitarazi dute beka sistema balia dezaketela euskara ikasteko interesa dutenek. Horren berri euskaltegiarekin harremanetan jarrita jaso daiteke. Aurrez aurreko eskolak

Astean lau egunetan, astelehenetik ostegunera, 08:00etatik 09:30era (210 ordukoa). Matrikularen prezioa: 374 euro.
Astean lau egunetan, astelehenetik ostegunera, 09:30etik 12:00etara (320 ordukoa). Matrikularen prezioa, 544 euro.
Astean lau egunetan, arratsaldeko txanda, bi ordutegi aukeran: 17:00etatik 19:00etara, edo 19:30etik 21:30era (436 ordukoak). Matrikularen prezioa: 436 euro.
Astean hiru egunetan (astelehen, astearte eta ostegunetan), 15:00etatik 17:00etara (210 ordu). Matrikularen prezioa: 374 euro.
Astean bi egunetan, 16:30etik 19:00etara edo 19:00etatik 21:30era (astelehen-asteazken, edo astearte-ostegun), 210 ordukoa. Matrikularen prezioa: 374 euro.
Astean behin, 08:30etik 13:30era EGA eta HABE 3 profiletarako, larunbatetan.

Autoikaskuntza

190 ordu 33 astean, 626 eurogatik.
35 minutuko tutoretzak bi astean behin.
Lau orduko programazioa astero.
Ordu eta erdiko mintzamena astero.

Mintza taldeak (B1B1 mailatik gorakoentzat)

Astelehen eta asteazkenetan, edo astearte eta ostegunetan 19:00etatik 21:30era, urritik ekainera. Matrikularen prezioa: 294 euro.

Merkatarientzat ikastaroak

Astelehen eta asteazkenetan, 13:45etik 15:45era, urritik ekainera. Orotara 120 orduko ikastaroa da, 214 euroko kostuarekin (materiala barne) eta udalak lagundua da.

Gurasoentzat ikastaroak

Astelehen eta asteazkenetan, edo astearte eta ostegunetan, 09:30etik 11:30era. Kostua 214 eurokoa da, eta aukera dago udalak zenbateko horren %75 itzultzeko. Proba egingo diete hilaren 30ean izena eman dutenei.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.