No Makinas taldeak irabazi du hondartza bolei txapelketa

Finalean Osatime gaindituta, No Makinas taldeak irabazi zuen atzo Hondar Kirolak programako hondartza bolei txapelketa. Datorren astean futbolekoa egingo dute. Asteartea da izena emateko azken eguna.

Asier Perez-Karkamo

Hondarribia

2015/07/18

Hondartza bolei txapelketako finaleko une bat. No Makinas taldea nagusitu zen

Finalean Osatime gaindituta, No Makinas taldeak irabazi zuen atzo Hondar Kirolak programako hondartza bolei txapelketa. Sei taldek eman zuten izena eta lehen hirurentzat sariak egon ziren. Ekaitzaren beldur zirela-eta, finala aurreratu egin zuten, baina ekaitza ez zen iritsi eta hirugarren eta laugarren postuak zehazteko partida ere jokatu ahal izan zuten. Hurrengo astean futbol txapelketa egingo dute.

Lehen hiru sailkatuak, gazte boluntarioekin

Sekulako giro onean burutu zen atzo Hondartza Bolei Txapelketa eta Prebentzio Komunitario Udal Zerbitzuko teknikariek boluntarioen lana nabarmendu zuten, “bereziki Gorka Mendizabal eta Jon Poncelarena, beraiek aritu baitira txapelketako epaile bezala”. Hamabost boluntario ari dira aurten Hondar Kirolak programan laguntzen eta bolei txapelketa antolatzen Donosti Cup futbol txapelketan parte hartu duen taldeko gazteak ibili dira.

Datorren astean, futbolekoa

Hurrengo asterako Hondarribiko VI. Beach Soccer Txapelketa ari da antolatzen Prebentzio Komunitarioko Zerbitzua, hau ere, gazte boluntarioen ezinbesteko laguntzatrekin. Parte hartze handia espero da, dagoeneko talde askok izena eman dutelako. Apuntatzeko azken eguna asteartea da —asteartetik ostiralera egiten dute Hondar Kirolak programa—. Parte hartzeko, gutxienez sei eta gehienez zortzi kideko taldea osatu behar da, denak 12 eta 18 urte artekoak. Esan bezala, asteartea da izena emateko azken eguna, 16:00etatik 20:00etara, Hondar Kirolak zerbitzuko etxolatik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.