Milaka lagun hurbildu dira Urdanibia plaza berrian egiten den lehen Baserritar Eguna gertutik bizitzeko, asko eta asko inguruko herrietatik joandakoak.
Irungo Baserritar Eguna. Harrijasotzaileak
Norbaitek uste bazuen Irungo jaiak San Martzial egunarekin bukatzen direla, biharamunean Moskutik pasatzea besterik ez du egin behar okertuta dagoela ikusteko. Izan ere, milaka lagun hurbildu dira Urdanibia plaza berrian egiten den lehen Baserritar Eguna gertutik bizitzeko, asko eta asko inguruko herrietatik joandakoak.
Berrikuntza handirik behar ez duen festa da Irungo Baserritar Eguna, baina plaza berrituak aukera berriak ekarri ditu. Ganadu txapelketarako eremu egokiagoa, jendeak ekitaldiz ekitaldi mugitzeko aukera handiagoa —oraindik pilaketak sortzen diren arren—, txosnak sukalde aldetik irekitzeko modua, atseden hartzeko erraztasun gehiago…
Kontrakoak ere egongo dira, baina gehienek oneritzia eman diote eremu berriari. Goizean joaterik izan ez duenak oraindik badu aukera, arratsaldean dantza sueltoko txapelketa eta erromeria egingo baitituzte bertan (ikusi
egitaraua).
[nggallery id=52]