Udan, zeramika eta marrazketa eskolak jasotzeko aukera dago Irunen

Udal Zeramika eta Marrazketa eskolak uztailerako eskolak prestatu ditu. Horietan izena emateko epea astelehenean zabalduko dute.

Urko Etxebeste

Irun

2015/06/12

Zeramika eskolak 5-17 adin tartekoentzako dira

Irungo Udaleko Kultura departamentuak astelehenean zabalduko du Udal Zeramika, Margoketa eta Marrazketa akademian izena emateko epea, udako ikastaroei begira. Uztailean zehar egingo dituzte ikastaroak, eta haurrentzako dira. Zeramika tailerrari dagokionez, 5-17 adin tarteko haur eta gazteentzat izango dira ikastaroak, uztailaren 6tik 30era: astelehenetik ostegunera dira eskolak, 10:00etatik 12:00etara. Matrikularen prezioa 120,75 eurokoa da, eta Pikoketa kaleko 9. zenbakiko egoitzan egingo dira. Horietan izena emateko epea, esan bezala, astelehenean zabalduko da, Kultura sailaren egoitzan eman behar da izena (Ospitale Zaharrean dago), astelehenetik ostiralera 08:30etik 14:00etara. Margoketa eta Marrazketa ataleko udako ikastaroak sei urtetik gorakoentzako dira (haurrentzako eta helduentzako, beraz), eta uztailaren 2an hasiko dira: 16 orduko ikastaroak dira. Matrikulazioaren zenbatekoa 84,46 eurokoa izango da, eta izena emateko aukera dago 657 776 922 edo 675 717 407 telefono zenbakietara deituz. Atal honen tailerra Anakan dago, Reina Fabiola kaleko 6. zenbakian. Dena dela, bi programa horien gaineko informazio gehiago eskuratzeko 010 telefono zenbakira (Irundik), edo Kultura departamentuaren zenbakira deitzerik besterik ez dago: 943 50 54 07/08

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.