Udalerako hauteskundeetan 9.405 boto, eta aldundikoetan 7.245, ia 2.200 gutxiago. Horiek PSE-EEk udal nahiz batzar nagusietarako hauteskundeetan lortutako emaitzak. 'Santano efektua', nabarmen
![Santano, kanpainako agerraldian](http://bidasoa.hitza.eus/site/files/2015/05/santano.familiak-300x187.jpg)
Santano, kanpainako agerraldian
Jose Antonio Santanok Irunen duen tiradizoaren berri emateko, hirian izan diren udal hauteskundeen emaitzak eta batzar nagusietakoenak ikustea besterik ez dago: alkate izateko 9.405 bozka jaso zituen Santanok, eta aldundirako PSE-EEren hautagaitzak, Irunen 7.245 boto jaso zituen. Ia 2.200 botoko aldea, beraz.
Udalerako eta batzar nagusietarako datuen alderaketan, beste datu deigarri bat, EAJrena: udal hauteskundeetarako 5.133 boto lortu zituen Xabier Iridoyren hautagaitzak, eta EAJren batzar nagusietakoak, berriz, 6.414, ia 1.300 boto gehiago beraz.
Hortaz, Irunen, batzar nagusietarako botoen %26,2 lortu zuen PSE-EEk, eta %23,2 EAJk. Udalekoetan, portzentaian, 15 puntuko aldea eta 4.300 botoren aldea izan da bi alderdien artean.
Gainontzeko alderdien artean udal/batzar nagusiak bozketan aldeak egon dira, baina ez nabarmenak.