EH Bilduk Amuten bukatuko du auzoetako bilera erronda

Auzotarren solasaldi-kolokioa egingo dute auzo elkartean, 19:30ean. Ostiralean afaria egingo dute Olagarron eta igandeko zenbaketa Muaratik jarraituko du koalizioak.

Asier Perez-Karkamo

Hondarribia

2015/05/21

Atzoko bilera, Gipuzkoa plazan

Hiru egun baino ez dira geratzen udal eta foru hauteskundeetarako, eta alderdiak kanpainako azken ekitaldiak burutzen ari dira. Hondarribiko EH Bilduk Alde Zaharrean izan zuen hitzordua atzo (asteazkena), auzotarrekin solasaldi-kolokioan; hasiera batean Bretxan egitekoa zen, baina eguraldi txarra zela-eta Gipuzkoa plazako arkupeetara mugitu ziren. Gaur bukatuko du EH Bilduk auzoetako bilera erronda, Amute-Kostako auzo elkartean, 19:30ean. Arboleda zeneko plazan zueden geratuta, baina eguraldi txarra espero denez, auzo elkartean bilduko dira. Orain arteko bilera guztiak bezala, auzotar denentzat irekia izango da. “Alde batetik, auzoetako arazo zehatzen inguruko informazioa trukatuko dugu, eta gure aldetik, auzoetarako ditugun proposamenak aurkeztuko ditugu”, esan du koalizioak. Eta ostiralean, “hauteskunde kanpaina behar bezala bukatzeko”, afaria egingo dute Olagarro elkartean. Igandean, aldiz, Muaratik jarraituko dute botoen zenbaketa, Lore Erriondo hautagaia bertan izango delarik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.