Plaiaiundiko kirol instalazioak Arbesera lekualdatzea proposatu du Si Se Puede Irunek

Beste aukerak baino merkeagoa dela uste du hautesle taldeak, irisgarritasun handikoa, eta landa eremuaren urbanizazioa saihestuko lukeena.

Urko Etxebeste

Irun

2015/05/19

David Soto, gaur, Plaiaundin

Udalaren jabetzako lur saila delako, eta beste aukerak baino merkeagoa delako, Plaiaundiko kirol instalazioak Arbes auzora lekualdatzea proposatu du gaur, hauteskunde kanpainaren ekitaldian, Si Se Puede Irunek. Artia errekatxoaren, Alzukaitzen eta A-8arejn artean legoko lur eremu hori. David Soto hautesle taldearen zerrendaburua Plaiaundin egon da gaur asmo horren berri emateko. Nabarmendu du Plaiaundi Txingudiko badiaren barruan egonda, interes ekologikoko leku bezala izendatua dutela hainbat erakundek. Eta aldi berean, Irungo Udalak aho batez erabaki zuela duela 20 urte lekualdatzeko proposamena: “Baina PSE-EEk ez du ezer egin, ez du seriotasunez lan egin, eta ingurumen eta gizarte beharrei erantzuteko gaitasunik ez du izan”. Arbesko alternatibaren aldeko argudio gehiago eman ditu Sotok. Adierazi du lur mugimendu handirik ez litzatekeela behar kirol azpiegitura bertan egiteko, landa eremu gehiago urbanizatzea ekidingo zela, eta sarbide erraza lukeela oinez zein errepidez. Arbesko proposamena mahaiaren gainean jarrita, eta igandeko hauteskundeen emaitzek “erabakirako ahalmena” emango baliete, elkarrizketaren alde daudela esan dute Si Se Puede Iruneko kideek, “beste edozein auikera balioestera ere prest” leudeke, “baldin eta hori egiteak ez badu ekartzen denbora gehiagoz gaia atzeratzea”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.