EH Bildu Puntaleko auzotarrekin elkartuko da bihar
Aste honetan hiru bilera egingo ditu Hondarribiko EH Bildu koalizioak auzoetan, igandeko hauteskundeetako kanpainaren barruan. Helburua proposamenak elkar trukatzea dela azaldu du EH Bilduk.
Aste honetan hiru bilera egingo ditu Hondarribiko EH Bildu koalizioak auzoetan, igandeko hauteskundeetako kanpainaren barruan. Helburua proposamenak elkar trukatzea dela azaldu du EH Bilduk: “Alde batetik, auzoetako arazo zehatzen inguruko informazioa trukatuko dugu, eta gure aldetik, auzoetarako ditugun proposamenak aurkeztuko ditugu”.
Asteartean Puntaleko Marko deunaren plazan egingo dute bilera, asteazkenean Alde Zaharreko Bretxako pasabidean, eta ostegunean Amuten, Arboleda zegoen plazan. Hiru bilerak ordu berean izango dira, 19:30ean.
Joan den astean abiatu zuen koalizio abertzaleak auzotarrekin bilera erronda, Mendelun, “eta bikain joan zen, auzokideek beraien kezka eta zalantzak azaldu zizkiguten eta solasaldia oso emankorra izan zen denontzat”, gaineratu dute.
