Dena prest arratsaldean Bidasoko Itzuliari ekiteko

Urdanibia plazatik abiatu, eta Igantziko Irrisarri Land parkean bukatuko da gaurko lehen etapa

2015/05/06

Taldeetako bat, atzo, Irrisarri Land-en.

Taldeak iritsi dira Bidasora, eta lehian hasteko prest daude. Gaur hasiko da Bidasoko 43. Itzulia, lau etapetatik lehenari ekinaz. Urdanibia plazatik abiatuko da 14:25ean, eta Igantziko Irrisarri Land aisia parkean bukatu, 107,1 kilometroko bidea egin ondoren batez ere Nafarroako errepideetatik. 20 taldetan banatuta, 120 txirrindulari izango dira lehian larunbata arte. Horien artean bakarra Bidasokoa, Urki Rojo Debabarrena taldekoa. Nazioarteko taldeez gain, Gipuzkoako lau talde izango dira Bidasoko errepideetan zehar. Lau etapa gogor, gorabeheratsuak dituzten aurretik lehiakideek. Lehena, gaurkoa, berritasunekin dator, izan ere lehenengoz bukatuko delako Igantziko (Nafarroa) Irrisarri Landen, azken kilometroak maldan gora egin ondoren. Gaurko etaparen hainbat gune garrantzitsu, honakoak (antolatzaileek pasatutako orduak dira, 40 kilometro orduko abiadura batezbestekoa ezarrita txirrindularien zereginean):

14:25an, irteera Urdanibia plazatik.
14:50an, Berara iritsiko da itzulia.
15:38an, Elizondoko tarteko helmuga.
16:13an, Zigako gaina, hirugarren mailakoa.
17:10an, Irrisarri Landen helmuga, hirugarren mailako gainean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.