900 txakur bilduko dira igandean Ficoban

Gipuzkoako Nazioarteko Txakurren Erakusketa egingo dute, goizetik abiatuta

2015/04/21

Goizean nahiz arratsaldean lehiaketak egingo dituzte

Herrialdean 36.enez, eta Ficoban 12. aldiz, igandean egingo dute Gipuzkoako Nazioarteko Txakurren Erakusketa. 900 txakur bilduko dira erakustazokan, horietatik 600 Frantziako Estatutik etorritakoak. 09:30ean hasiko dira lehiak, txakur arrazaren araberakoak. 16:00etan bukatuko dira lehia horiek, sari nagusien banaketarekin. Txakur Onena, eta Errege Kopako irabazlea. Txakur hazleentzako interes bereziko bi sari emango dituzte, Espainiako Txapelketarako Gaitasun Ziurtagiria, eta Nazioarteko Gaitasun Agiria. Bikote onenarentzat, beterano onenarentzat, edo txakurkume onenarentzat ere izango dira sariak, besteak beste. Javier Redondo Gipuzkoako Txakurren Elkarteko presidenteak gaurko agerraldian azaldu duenez, erakusketa Ficoban egiteak ez ditu abantailak besterik, instalazioen erosotasuna edo inguruko hiriekin komunikazio onak izatea baloratuz. Horrek bisitari asko erakarriko dituela ziurtatu du: “Horrek erreferentziazkoa bilakatu du erakusketa hau”. Erakusketa denentzat dago zabalik, baina sarrera ordaindu behar da sartzeko: 5 eurokoa da orokorra, eta 10 urtetik beherakoentzat 3 eurokoa. Erakusketan izango ez diren txakurrik ezin da eraman.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.