Gure Esku Dago-k 1.000 jostun behar ditu Hondarribian

Ekainaren 21ean Donostian egin behar den ekitaldirako 50 oihal osatu behar dira herrian; dagoeneko 40 banatu dituzte.

Asier Perez-Karkamo

2015/04/20

Haur talde bat, oihal bat pertsonalizatzen

50 oihal, bakoitza 20 pertsonen artean osatua. Hori da Gure Esku Dago (GED) plataformako Hondarribiko taldeak lortu behar duena, 1.000 jostun erabakitzeko eskubidea ehuntzeko. Ekainaren 21ean ekintza berri bat burutuko du GEDk Hego Euskal Herriko lau hiriburutan. Hautestontzi erraldoiak eraikiko dituzte, oihalez, “sinbolikoki, etorkizuna eskuetan hartzeko eskubidea” aldarrikatzeko. Eta oihal horiek herriz herri osatu behar dira. Hondarribian 50 bildu behar dira eta dagoeneko 40 banatu dituzte, “pertsonalizatu ditzaten”. Parte hartu nahi duten hondarribiarrek 688 82 68 44 telefono zenbakira dei dezakete. Oihalaz gain, informazioa ere jasoko dute: zer egin, nola, noizko, jakin beharreko guztia azalduko diete. Erantzun “anitza” Oihal bakoitza 20 zatitan banatuta dago, beste horrenbeste pertsonen artean osatzeko. Mikel Mariskal eta Xabier Zabala Hondarribiko lanak koordinatzen ari den taldeko kideak dira eta HITZAri kontatu diotenez, erantzuna oso ona izaten ari da: “Ahoz aho ari gara, oihartzun handirik gabe, baina erantzuna oso ona izaten ari da. Dagoeneko 40 oihal konprometitu ditugu, Hondarribin osatu behar ditugun 50etik, 40 hitzartuta daude. Erantzun ona, eta anitza, batez ere hori, anitza ari da izaten”. Edozein teknika erabili daiteke oihala osatzeko: marraztu, josi, argazkiak jarri… Taldearen ezaugarriekin eta dituzten ametsekin ari dira Hondarribiko oihalak sortzen. Hasieran taldeentzako ari dira oihalak banatzen. “Elkarteak, lagun koadrilak, familiak… denetarik ari da parte hartzen”. Berea egin dutenen artean, Zumardikoak eta Olagarro abesbatzak, Heuk proba ezan emakume kirolarien taldea, arraun elkartea, eta beste hainbat daude.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Gure Esku Dago-k 1.000 jostun behar ditu Hondarribian

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean