Ordezkaritza zabala Bokataren Astean
25 establezimenduk parte hartuko dute Gipuzkoako I Bokata Lehiaketan, tartean Oarso Bidasoko zazpi
Gaur hasi eta hilaren 26ra bitartean Bokataren Astea antolatu dute Bokataren zaleek, Keler eta Ogiberrik babestuta. Honenbestez, lehiaketara proposamenak aurkeztuko dituzten tabernatan, gaur hasi eta hilaren 26ra bitartean lehiaketako bokata eta Kelerra 6 euroan zerbitzatuko dute.
Lehiaketa bera, datorren asteazkenean izango da, Donostiako Maria Cristina hoteleko Food Cooking School-ean, eta epaimahaian Juan Mari Arzak-ek, Ruben Trincadok, Dani Lopezek, Xabier Zabaletak , Aizpea Oihanederrek eta Oraitz Garciak parte hartuko dute. Bokata irabazleak 500 euro jasoko ditu eta bigarrenak garaikurra eta 200 euro; hirugarrenak garaikurra eta 100 euro eta gainontzekoek parte hartu izanaren diploma oroigarria.
Parte-hartzaileak:
Pasai Antxo
Prost, Maitzaren lehena, 2, behea.
Errenteria-Orereta
Xera gastroteka: Xabier Olaskoaga plaza.
Hondarribia
Route 33 Gourmet: Bernat Etxepare, 12.
Irun
Ketan: Luis Mariano 2-4.
L´Atelier: Joaquin Gamon, 1 behea.
Manolo: Mayor, 13.
Orrua taberna: Mayor, 2. 
