Ijito komunitatea protagonista gaurkoan

Ijitoen ohiturak, kultura eta historia gizarteratzeko ahaleginean egitarau zabala prestatu du Kale dor Kayiko elkarteak

Rebeka Parras

2015/04/08

Ijitoen Nazioarteko Egunaren ospakizunak Zabaltza plazan

Ijitoen Nazioarteko Eguneko ospakizunak Zabaltza plazan

Urtero apirilaren 8arekin batera Ijitoen Nazioarteko Eguna ospatzen da munduko hainbat txokotan zehar. Aurten lehen aldiz, Kale dor Kayiko (KDK) ijitoen elkarteak Irunen ospatu nahi izan du eguna eta egitarau zabala antolatu du horretarako Zabaltza plazan eta Urantzu pilotalekuan. Hala, umeentzako tailerrak eta jokoak, ijito komunitatearen kultura, historia eta ohituren gaineko informazio gunea eta inaugurazio ekitaldia egin dituzte Zabaltza plazan. Baina horren aurretik, ijitoen arteko esku pilota txapelketarekin hasiera eman diote egunari Urantzu frontoian. Hori horrela, Manuel Vizarraga elkarteko presidenteak inaugurazio ekitaldia egin du Zabaltza plazan. Bertan ere izan dira Irungo Udalaren ordezkariak, tartean, Jose Antonio Santano alkatea eta Maite Pelaez Gizarte Ongizate delegatua. 28 urteko ibilbidea KDK elkarteak (biharko ijitoak, euskaraz) 25 urteko ibilbidea ospatu zuen iaz, baina hala ere, 30 bat urte daramatela lanean azaldu du Manuel Vizarraga KDKko presidenteak. “Gizarteratzeko beharraren ondorioz sortu zen elkartea”, azaldu du Vizarragak, “eta horretarako bide bakarra hezkuntza zela ikusi nuen”.

Ibaiaren zeremonia irudikatu dute

Hortaz, ume ijitoak eskolatzeko erronkari heltzea erabaki zuen Vizarragak eta elkartea horretarako tresna lagungarria izan zitekeela ikusi zuen. Denborarekin emaitza ezin hobeak lortu dituztela iritzi du KDKko presidenteak; izan ere, azken 25 urte hauetan ijito komunitateko umeen gehiengoa eskolatzea lortu dutela uste baitu. Gainera, urtero ikasketak bukatzen dituzten umeei sari bat ematen dietela azaldu du, “negatiboa ez den motibazioa behar dela uste dut”. Ijito komunitatea gizarteratzeko ahalegina egiten ari dela ere ziurtatu du Vizarragak: “Ez dugu gizartetik at bizi nahi, zeinek esan du ez dugula integratu nahi? Hori ez da egia”. Gainera, gizarteratze prozesu horretan, alderdi politikoren batean ordezkaritza lortzea dela oraingo erronka esan du elkarteko presidenteak. Londresko 1971ko kongresua Ramon Motos KDK elkarteko kideak azaldu duenez, “ijito komunitatearen ordezkariak Londresen bildu ziren 1971ean, eta han erabaki zuten Ijitoen Nazioarteko Eguna apirilaren 8an finkatzea”. Horrekin batera, Gelem, Gelem ijitoen ereserkia onartu zuen komunitateak, baita ibaiaren zeremonia ere. Motosen arabera, “loreak eta kandelak ibaira botatzean datza zeremonia. Ijito herriaren historia irudikatzen du, Punjabetik (Indiako Errepublika) atera ginenean orain dela milaka urte. Zeremonia honek gure ibilbidea munduan zehar ere irudikatu nahi du, zeru urdinaren azpian eta zelai berdeetan zehar, bidean aurkitutako oztopoak gaindituz eta bizitako esperientzia ikasteko baliatuz”. Ijito komunitatearen banderaren koloreak (urdina eta berdea) hori bera adierazi nahi dutela azaldu du Motosek. Eta horrekin batera, gurdi baten gurpila ere ikus ohi daiteke banderan, egindako ibilbidearen adierazle eta “gorria, jazarpenaren ondorioz isuritako odola eta pairatutako sufrimenduaren ikurra”. [nggallery id=35]

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Ijito komunitatea protagonista gaurkoan

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean