Stop Kaleratzeak-ek Peñaren heriotza salatu du

2012ko azarotik bankuekin izandako arazoen ondorioz 35 lagunek bere buruaz beste egin dutela gogora ekarri zuten.

Peñaren heriotzaren harira atzo egindako elkarretaratzea

Peñaren heriotzaren harira atzo egindako elkarretaratzea

30-40 bat lagun elkarretaratu ziren atzo iluntzean Laboral Kutxaren Colon pasealekuko egoitzaren aurrean, Bidasoko Stop Kaleratzeak taldeak deituta. Miren Peñaren heriotza salatzeko egin zuten herritarrek kontzentrazioa. Agerraldi isila izan zen atzokoa, komunikaturik gabekoa, herritarren hitzik gabekoa. Soilik pankarta bat eta bi kartel. Horietako batean argi uzten zuten euren protesta: 2012ko azarotik “35 hilketa” leporatzen dizkiete bankuei. Antsoaingoa (Nafarroa) zen Peña eta 43 urte zituen. 20 urteko alaba bat ere zuen. Haren hipoteka negoziatzearen aurkako gutuna jaso zuen emakumeak eta azkenean bere buruaz beste egitea erabaki zuen. Laboral Kutxak dolumina helarazi die senide eta lagunei, eta etxetik botatzeko prozedura ez zuela hasi adierazi du.  
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.