Juncal Labandibar kaleak itxita jarraitzen du
TAO-a bertan behera geratu da gaurkoan ere Behobian
Ibaiak eta kanalak hazi-hazita egon arren haize eta euri denboraleak ez du aparteko kalterik sortu, ohiko eragozpenez harago. Behobia auzoa izan da nabarmentzeko moduko arazoak izan dituen bakarra. Bidasoako uren gorakadari so daude auzotarrak atzotik. María Juncal Labandibar kalea itxita dago. Uholdeak ekiditeko konportak igo eta ibai aldameneko garajeak hustu zituzten atzo. Datozen orduetarako ez da hobekuntza nabaririk espero.
Bestalde, Gi-636 errepidea itxita egon zen atzo Txingudi Ikastola parean eroritako zuhaitz bat medio. Irungo udaltzaingoak Oarso Bidasoko Hitzari baieztatu dionez ez da bestelako arazorik aipagarririk izan azken orduotan.
