Euskarak Irunen duen egoera aztertzeko lan-bilera egin du EAJk

Irungo hizkuntza-errealitatea ondo ezagutzen duten pertsonen ikuspuntua jaso nahi izan du alderdiak

Aitor Kaltzakorta

2015/02/24

Iridoy jeltzaleen bozeramailea

Hiri-proiektua osatzeko lanketa egiten ari da Irungo EAJ. Iragan astean arreta lehen sektoreari jarri bazioten, euskarak Irunen bizi duen egoera izan dute aztergai jeltzaleek asteon. Jakinarazi dutenez, horretarako, egoera hori “ondo ezagutzen duten pertsonekin bildu ziren Xabier Iridoy eta bere taldea. Izan ere, jeltzaleentzat euskara zutabe garrantzitsua da hiriaren etorkizunerako lantzen ari diren proiektuan”. Bilera horretan hainbat afera izan zituzten hizpide, “hezkuntza arloan euskarak duen garrantzia eta bertako ikastetxeek ikasleak euskalduntzen egiten duten lana” tarteko. Horrekin batera, “azken bosturtekoan hiritar euskaldunen eta ama hizkuntza euskara dutenen kopuruaren beherakada” aztertu eta horri aurre egiteko “transmisioa lantzeko eta euskal hiztunen komunitatea trinkotzeko beharra” nabarmendu zuten jeltzaleek. Bide batez, urtez urte “herri-eragileek Irunen euskara sustatzearen alde egin duten lana goraipatu” zuten EAJko ordezkariek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.