Hasi da Minasoroeta berrituko duen obra

Espaloia eta atzeko bidea berrituko dituzte, eta argiteria aldatu. Bederatzi aste iraungo dute lanek eta ia 180.000 euroko aurrekontua dute.

Asier Perez-Karkamo

Hondarribia

2015/02/20

Kanalaren ondoan hasi dira lanean

Hasi dira Hondarribiko Minasoroeta kalea berriro hiritartzeko lanak. Asteartean sartu ziren makinak bertara eta dagoeneko nabari da lanean ari direla. Udalak azaldu duenez, espaloia eta bidea, biak konponduko dituzte, eta argiteria ere aldatuko dute: “Obran etxebizitzen pareko espaloia birzolatuko da, eta Minasoroeta kalea eta Alameda jatetxearen atzeko aldea elkartzen dituen bidea konponduko da era berean”. Lanek, 179.000 euroko aurrekontua dute eta Urbycolan enpresaren ardura izango dira. Bederatzi aste beharko ditu obra burutzeko, “ustez apirila erdi alderako amaitua izango da”. Hasteko, urak kanalera isurtzen dituen ubidearen inguruan hasi dira lurra mugitzen. Kontu handiz ari dira langileak bertan eta atzo goizean hainbat teknikari ari ziren lan horiek zaintzen. Espaloia berritzeko, herriko beste auzoetan erabilitako irizpide berak kontuan izango dituzte Minasoroetan. “Etxebizitzetara ematen duen espaloia berriro zolatuko da, jatetxearen ingurutik kale amaieraraino; orain dagoen baldosa bera jarriko da”. Irisgarritasuna hobetze aldera, espaloiaren maila jaitsiko dute, Portuko lanetan hainbat kaleetan egin duten bezala: “Espaloiaren eta bidearen artean dagoen maila aldea jaitsiko da”. Argiteria aldatuko dute Minasoroetako hiritartze lanak bukatzeko, Alameda jatetxearen atzeko aldetik doan bidea hobetuko dute eta bertaraino iristen den bidegorriarekin lotura egingo du bideak, amaitu ostean. Iaz berritu zuten bidegorri hori, eta Minasoroetako zatia burutzen dutenean, Amute-Kostako eta Txiplaoko zatiek lotura izango dute Molla ibilbidetik Portura doan bidegorriarekin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Hasi da Minasoroeta berrituko duen obra

Gipuzkoa

Gipuzkoako zahar etxeetako langileek «propaganda» egiteari uzteko eta baliabideak jartzeko eskatu diote aldundiari

Donostiako Udalak 502 milioi euroko aurrekontua aurkeztu du 2027rako, %1,2 handiagoa

Tsai Ming-Liang zinemagilearen erakusketa bat ireki du Tabakalerak, ibili ahala inguruari erreparatzeko

Pasaiako portuan saihesbide bat egitearen alde agertu dira alderdiak, titulartasunaren gatazkak gorabehera

30 urte bete ditu Eibarko Portaleak, eta «erakusketa handi bat» hartuko du ostiraletik aurrera

Hasi dira Escalerillas eraisten

Bihar irekiko dute Morlansko tunela, oinezkoentzako ere atonduta