Ramuntxo Berri Trinketea
Irungo Ramuntxo Berri Trinketean jokatuko dira Gomazko Paletako Trinkete Txapelketako Lehen eta Bigarren mailetako finalerdiak. Lehen Mailakoa lau bikotek jokatuko dute. 11:00etan hasita, Ramuntxo Trinkete Taldeko Larrarte-Santesteban bikoteak Kurpileko Sorzabalbere-Arrospide bikotea izango du aurkari. Horien ondotik, Ramuntxoko bi bikoteren artekoa izango da lehia: Monserrat-Pablos pareak Letamendia eta Mancisidor izango ditu kontra.
Lehen maila ez galtzeko kanporaketa-lehia ere trinkete berean izango da gaur iluntzean, hilak 19. 20:00etan hasiko da Ramuntxoko Kanpo eta Loza II Kurpileko Ramirez eta Txetxuren arteko norgehiagoka. Larunbat goizeko 10:00etatik aurrera, aldiz, Kurpileko Lazkano-Cruz eta Ramuntxoko Oyarbide-Tobar bikoteek jokatuko dute elkarren aurka.
Bigarren Mailako partidak heldu den igandean izango dira, 12:00etan hasita. Portilla II-Vila pareak, Alonso-Arruabarrena eta Mutuberria I-Mutuberria II-ren arteko lehia irabazten duen bikotearen kontra jokatuko du finala. Txapela eskuratzeko finalen ordutegia zehazteke dagoen arren otsailaren 28an izango dira.