Erasoen ustezko egilea atxilotu du Ertzaintzak

Bi emakumeren aurkako sexu erasoa leporatuta beste gizon bat atzeman zuen Ertzaintzak larunbatean Irunen

Rebeka Parras

2015/02/02

Erasoak salatzeko kazerolada deitu zuen TASek larunbatean

Ertzaintzak bi gizon atzeman ditu asteburuan Irunen sexu askatasunaren aurkako delituak leporatuta. Lehena, ostiralean atxilotu zuen, eta Txingudi Anti Sexista (TAS) plataformak salatutako zortzi delituen ustezko egilea da. Bigarrena larunbatean atzeman zuen Ertzaintzak, bi emakumeren aurkako ustezko sexu erasoa egiten saiatzea leporatuta. Iragan astean TASek zabaldutako erasoen harira, 20 urteko gizon bat atxilo eraman zuen Ertzaintzak ostiral gauean. Urtarrilaren 4tik 25era bitartean zortzi dira denera gazteari egotzitako delituak, eta plataformak egindako salaketan adierazi bezala, motorrean zihoala eraso egiten zien emakumeei kasu gehienetan. Zenbait komunikabidek plazaratu dutenez, gazteak jatetxe bateko banatzaile gisa lan egiten du eta motor hori bera zen ustez delituak egiteko erabiltzen zuena. Eraso gehienak Palmera-Montero inguruan eman ziren, eta beste bat, Elizatxo hiribidean. Larunbatean bestalde, 41 urteko gizon bat atxilotu zuen Ertzaintzak bi emakumeren aurkako ustezko sexu erasoa gauzatzen saiatzea egotzita.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.