Bigarren postuan dago Real Union, Reala Bri 4-0 irabazi ondoren
Sailkapen orokorraren lehen postuan kokatutako Real Madrid C. taldetik puntu bakarrera jarri dira txuribeltzak gipuzkoarren arteko derbia tarte handiz irabazita.
39 puntu gehitu ditu Real Union taldeak azken jardunaldian Reala B taldeari 4-0 garaituta. Era horretan, Real Madrid C. zerrendaburutik puntu bakarrera kokatzea lortu dute txuribeltzak.
Stadium Galek hartu zuen gipuzkoarren arteko derbia. Indartsu atera ziren zelaira irundarrak eta hasiera lasaia izan zen arren, 23. minutuan iritsi zen txuribeltzen lehen gola Galanen eskutik. Atsedenera iritsi aurretik Callens txuriurdinak bere atean sartu ondoren lortu zuen Real Unionek bigarren gola.
Atsedenetik bueltan Realak ezin izan zion buelta eman markagailuari eta txuribeltzen nagusitasuna agerian gelditu zen berriz ere. Hori horrela, Goikoetxeak beste gol bat lortu zuen 58. minutuan eta Silasek jarri zion bukaerako puntua partidari laugarren eta azken golarekin, 72. minutuan.
Guadalajararen aurka ariko da Real Union datorren asteburuan, etxetik kanpo finkatutako partidan.
