'Igerilekuko erronka' antolatu dute laugarren urtez

Udal Kirol Patronatuak, Fanderiako eta Galtzarabordako kiroldegiak kudeatzen dituen Serviociorekin batera, antolatu ditu erronkak, igerilekuak sarri erabiltzen dituztenei zuzenduta. Sei erronka izango dira, distantzia errealetan oinarritutakoak.

admin

Bidasoa

2015/01/16

Udal Kirol Patronatuak, Fanderiako eta Galtzarabordako kiroldegiak kudeatzen dituen Serviociorekin batera, laugarren urtez antolatu du erronka. Igerilekua maiz erabiltzen dutenei zuzendu diete proba, pizgarri bat sortze aldera. Erronkan parte hartu nahi dutenek, egunean egindako distantzia jakinarazi beharko dio sorosleari, berak egindako metroen kontrola eta falta zaiona parte hartzaileari esateko. Erronka hasteko eguna etzi izango da, eta bukatzeko, berriz, apirilaren 30a. Guztira, 96 egun izango dituzte. Bi maila izango dira, eta bakoitzean hiruna erronka egongo dira. Honakoak dira:

Erronka: Gibraltargo itsasartea. 14.000 metro, igerilekuaren 560 luze.
Erronka: Magallaneseko itsasartea. 32.000, 1.280 luze.
Erronka: Panamako Kanala. 80.000, 3.200.
Erronka: Ormuzeko pasartea, 50.000 metro, 2.000 luze.
Erronka: Korea eta Japoniaren arteko distantzia. 120.000 metro, 4.800 luze.
Erronka: Kuba eta AEBen arteko distantzia. 160.000 metro, 6.400 luze.

Iaz 200 lagunek baino gehiagok hartu zuten parte erronkan. Antolatzaileek kopuru hori handitu nahi dute aurten. Gainera, aurten, beste erronka bat proposatu dute, GYMErronka izenekoa. Decaironman erdia edo osoa egin beharko da erronka horretan. Erdia egiteko, igerilekuko Gibraltar erronka egin beharko dute, 900 kilometro bizikletan eta 210 korrika. Osoa egiteko, berriz, igerilekuko bigarren erronka, 1.800 kilometro bizikletan eta 420 kilometro lasterka egin beharko dute. Datak berberak izango dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.